“Поттикнување на етичкиот пристап во известувањето кај потенцијалните млади новинари”
Предмет: Повик за обучувачи – Спроведување на работилници за модул: Дезинформации
Отворениот повик за обучувачи е во рамки на проектот „Поттикнување на етичкиот пристап во известувањето кај потенцијалните млади новинари“ – финансиран од Европската Унија, а имплементиран од Советот за етика во медиумите во Македонија – СЕММ.
- Опис на проектот
Целта на овој проект е да се унапреди знаењето и свесноста на студенти идни новинари за етичките и професионалните стандарди во новинарството известување, и да се поттикне интерес кај средношколци за професионалната новинарска етика и да се зголеми нивната информираност за работата на СЕММ и Комисијата за жалби. Според последниот извештај за напредокот на Северна Македонија за 2023 година подготвен од Европската Комисијата стои следното:
“Комуникација за политиката за проширување на ЕУ Националната стратегија 91 и акциониот план за градење отпорност и соочување со хибридни закани (2021-2025) вклучува мерки за справување со дезинформации и хибридни закани. Сепак, напорите за борба против дезинформациите се ограничени. Аудио-визуелниот сектор продолжи да има корист од учеството на земјата во МЕДИА и меѓусекторските насоки на програмата Креативна Европа“.
Од ова заклучуваме дека и натаму е потребно подигање на свесноста за заканите од лажни вести, дезинформации и говор на омраза што се шират низ медиумите. Младите како особено подложни, заради користењето на социјалните мрежи и медиуми, сметаме дека треба да бидат редовно обучувани за да препознаат и се спротистават на ширењето на дезинформации и говорот на омраза.
Корисниците на социјалните мрежи често не ги препознаваат и ги споделуваат дезинформациите што се шират во онлајн просторот, поттикнувајќи вознемиреност во јавноста.
Оттаму, постои потреба од организирање различни облици на едукација меѓу младите, некои од нив и идни новинари, за принципите и правилата на етичко известување, почитувањето на човековите права во медиумските содржини, начинот на кој функционира саморегулацијата и улогата и активностите на Советот за етика и неговата Комисија за жалби.
Од друга страна, последните децении се повеќе опаѓа интересот кај младите луѓе за професијата Новинар (линк до веста: https://zanimanja.mk/zanimana/novinari/izgledi-za-vrabotuvane/)
- Делокруг на работа
Вкупен број денови на ангажман: 10 дена
- 3 консултантски/експертски дена за подготовка на модулот;
- 5 консултантски/експертски дена за испорака на обуките/работилниците;
- 2 консултантски/експертски дена за подготовка на извештај и презентација пред тимот на СЕММ.
- Испораки
- Изработка на модул за обука на тема „Дезинформации“
- Избор и изработка на креативни материјали согласно потребата на обуката.
- Испорака на 5 обуки во 5 различни образовни институции
- Сумирање на евалуации од обуката.
- Поднесување на краток извештај за постигнувања од обуката и презентација пред тимот на СЕММ.
- Временска рамка
Консултантските денови ќе бидат распределни во периодот меѓу јули и октомври 2024г, во координација со проектниот тим.
- Надомест
Вкупниот (бруто) надомест за извршените услуги не смее да надминува вкупен бруто износ од 2.000 евра за целокупниот ангажман, односно 200 евра бруто за еден консултантски/експертски ден.
- Потребни документи
- Референтна листа на претходни слични ангажмани;
- СV (професионално резиме) на обучувачот во ЕУ формат на македонски јазик;
- Предлог план за обука;
- Финансиски предлог.
- Процес на селекција
Тимот на СЕММ ќе направи избор на најповолен кандидат/ка согласно највисокиот квалитет за понудената цена.
- Достава на апликација
Апликацијата (професионално резиме и понуда на македонски јазик) треба да биде испратена во електронска форма на info@semm.mk со наслов: [Апликација за обука] – „Дезинформации“, не подоцна од 21 јули (недела) (23:59ч.) 2024г.
СЕММ ќе го извести избраниот кандидат не подоцна од 24 јули 2024г. Апликациите пратени по крајниот рок нема да бидат земени предвид. Само селектираните кандидати ќе бидат контактирани.