Комисијата за жалби при СЕММ од октомври 2023 до јуни 2024 одржа три јавни седници со цел да го промовира механизмот на поднесување поплаки до Советот за етика во медиумите, кога постои сомнеж за пречекорување на правилата за професионално и одговорно новинарство во медиумските содржини.
На седниците во Скопје, во рамки на Неделата на медиумска писменост , во октомври минатата година, во Битола, во Европска куќа во март оваа годна и во Штип, на Универзитетот “Гоце Делчев”, во јуни 2024, присуствуваа голем број новинари, граѓански активисти, студенти, средношколци и професори. Седниците беа тематски – за медиумската писменост и свесноста на граѓаните за прекршувањата на Кодексот на новинарите, за штетноста од копи-пејст новинарството и за одговорноста на медиумите за неширење говор на омраза, дури и кога се работи за коментари на социјалните мрежи поврзани со медиумски содржини.
Јавните седници на Комисијата за жалби при СЕММ беа прилика за присутните да постават серија прашања до членовите на КЖ, да разменат искуства , но и да предочат проблеми со кои се соочуваат локалните новинари – притисоци од локални моќници и пречки при обезбедувањето навремени информации.
Јавнит
е седници на Комисијата за жалби се овозможени со финансиска поддршка од УНЕСКО, во рамки на Регионалниот проект “Градење доверба во медиумите на Југоисточна Европа: поддршка на новинарството како јавно добро”.
Советот за етика во медиумите на Македонија ги охрабрува граѓаните, институциите и граѓанските организации да го користат правото за поднесување жалба до СЕММ секогаш кога се сомневаат дека во некоја од медиумските содржини се пречекори правилата за одговорно и професионално известување, како што е зацртано во Кодексот на новинарите на Македонија.
