Ова ново тело за саморегулација активно фунционира веќе шест месеци. Комисијата за жалби веќе постапувала по повеќе од 40 претставки, а граѓаните најмногу се пожалиле на говор на омраза во медиумите, незастапена втора страна, навреда, клевета и дискриминација.
Во последниот Извештај на УНЕСКО за медиумите и медиумската одговорност во земјите од ЈИЕ, работата на Советот е оценета како позитивна и професионална.
Оттаму препорачуваат мерки за подигнување на свеста во јавноста за потребите од саморегулација во медиумите, како и поголема соработка со високообразовните институции и судството.
Советот за етика во медиумите е формиран пред повеќе од една година, но активно работи шест месеци. Заштита на слободата на медиумите, спречување на влијанието на државата, политичките партии и другите центри на моќ врз медиумите, како и намалување на цензурата и самоцензурата се дел од целите на Советот за етика во медиумите.
Веста е превземена од 24vesti.mk