Лорејн, кој беше ангажиран со помош на Мисијата на ОБСЕ во Македонија, на прес-конференцијата во Скопје изјави дека ситуацијата во која се наоѓаат медиумите во регионот и пошироко е далеку од розова, па оттука секој обид да се воспостави саморегулација е чекор напред.
-Ќе биде потребна целосна поддршка од страна на новинарите и уредниците во Македонија, да застанат за Советот за етика и да го поддржат – истакна Лорејн, кој има искуство во работата со вакви организации во повеќе држави.
Според претставничката на ОБСЕ за слобода на медиумите Дуња Мијатовиќ, успешното спроведување на стратегијата и акциониот план ќе зависи од целосната поддршка од сите медиуми во земјата.
-Верувам дека СЕММ ќе има несебична поддршка од целата медиумска заедница – рече Мијатовиќ.
И шефот на Мисијата на ОБСЕ во Скопје, Ралф Брет кажа дека го поддржуваат процесот.
-Мисијата го поддржува овој процес од самиот почеток и ние веруваме дека активностите на СЕММ ќе придонесат за подигнување на меѓународните стандарди на долг рок – кажа Брет.