Ја исполнуваат ли медиумите клучната улога што ја имаат во справувањето со климатските промени? Дали доволнo влијаат за подигање на свесноста, дали доволно го застапуваат јавниот интерес и повикуваат на акција, дали доволно едуцираат и повикуваат на одговорност?
Советот за етика во медиумите на Македонија (СЕММ), препознавајќи ја клучната улога што медиумите ја имаат во координираниот пристап за намалување на последиците од климатските промени, глобално и локално, охрабрува креирање медиумски содржини, запазувајќи ги највисоките професионални и етичките стандарди, за корените и последиците од климатската криза, за решенијата и одговорноста.
Едуцирајќи ја својата публика, промовирајќи решенија, разобличувајќи ги дезинформациите и барајќи одговорност од сите инволвирани, медиумите можат да го придвижат општеството кон значајна акција во полза на човековата околина и добробит на сегашните и идните генрации.
СЕММ во соработка со УНЕСКО, во рамки на проектот „Градење доверба во медиумите во Југо-источна Европа: Поддршка за новинарството како јавно добро“, објавува повик за најдобри новинарски стории на тема „Факти и дезинформации за климатските промени“.
Повикот за апликации е отворен за сите професионални новинари и фото/видео репортери во Северна Македонија, за стории објавени во регистриран медиум, традиционален или онлајн, во периодот од 1 мај 2024 година до 15 април 2025 година.
Критериумите за наградите вклучуваат автентична и аналитична новинарска сторија, фотографија или видео од широк јавен интерес, што ги задоволува највисоките етички стандарди во новинарството.
Пријавениот труд може да биде во различна форма или жанр (текст, ТВ-прилог, радио приказна, документарец, репортажа, интервју, фотографија, видео…) објавен на македонски јазик или јазик на етничките заедници (со превод/титл на македонски јазик). треба да вклучат линк до медиумската содржина, но и прикачен документ од текстот/фотографијата/прилогот во пораката.
Најдобрите две стории и најдобрата фотографија/видео ќе ги одбере жири составено од реноминирани медиумски претставници.
Авторите ќе бидат наградени со поединечен паричен износ од 1200 и 800 USD.
Новинари поединци и редакции можат да пријават до три (3) стории. Конкурсот е отворен до 15.04.2025 година. Апликациите треба да се испратат по е-пошта на info@semm.mk со назнака „За новинарска награда 2025“.Пријавите треба да вклучат линк до медиумската содржина, но и прикачен документ од текстот/фотографијата/прилогот во пораката.
