![Мирче Адамчевски](https://semm.mk/wp-content/uploads/2024/01/mirce-150x150.jpg)
Мирче Адамчевски
Дипломира на Технолошко-металуршки факултет – хемиско инженерство. Од ноември 1979 година до ноември 2004 година има работено во “Нова Македонија” како новинар, уредник, дописник од Москва (во период од 6 години 1993-1999 година), како и главен уредник во периодот од 2002 до 2004 година. Од 2004 до 2006 година работи во списанието Порта 3. Од 2006 до 2008 година е претседател на Совет за радиодифузија.
![erdem.adem](https://semm.mk/wp-content/uploads/2014/10/erdem.adem_.jpg)
Ердем Амет
1991 година дипломира на Економскиот Факултет -Скопје. Од 1996 година работи како новинар во Програмата на турски јазик на МТВ. Во 2002 година е дел од работната група која го изготви Кодексот на новинарите на Македонија. Во 2005 година е добитник на пофалница за развојот на истражувачкото новинарство од МИМ, а во 2007 година освои второ место на конкурсот за најдобра истражувачка сторија од МИМ. Во 2007 година е избран за член на Советот на честа на ЗНМ, а во 2010 година е избран за член на Управниот одбор на ЗНМ.
![Теофил Блажевски](https://semm.mk/wp-content/uploads/2024/01/teo-150x150.jpg)
Теофил Блажевски
Теофил Блажевски, член на Комисијата за жалби, е дипломиран новинар. Своето формално образование го има надоградено со бројни обуки во Македонија и надвор од земјата. Има 30-годишно работно искуство во новинарството, од кои над 22 професионално и тоа како репортер, уредник и главен уредник (9 години) во повеќе печатени и електронски медиуми, вклучувајќи ги и новите медиуми. Блажевски е долгогодишен член на Одборот и активист во Транспаренси интернешнл – Македонија
![Мери Јордановска](https://semm.mk/wp-content/uploads/2024/01/iffs_meri_jordanovska-150x150.jpg)
Мери Јордановска
Mери Јордановска, член на Комисијата за жалби. Веќе 10 години работи како истражувачки новинар. Од неделникот Фокус таа премина во Балканската истражувачка мрежа (БИРН), каде што работи теми и анализи за актуелните политички случувања во Македонија, судството, криминалот и корупцијата. Јордановска има учествувано на голем број обуки и конференции од областа на истражувачкото новинарство, добитник е на балканската стипендија за новинарска извонредност и е еден од авторите на базата на податоци за истражувањена медиумската сопственост „Медиа Педиа“.
![Сефер Тахири](https://semm.mk/wp-content/uploads/2024/01/st-150x150.jpg)
Сефер Тахири
Д-р Сефер Тахири, член на Комисијата за жалби, има дипломирано на Катедрата за новинарство при Правниот факултет во Скопје, а магистерски студии завршува на Институтот за социолошки и политичко-правни истражувања во Скопје, на студиската програма Комуникации. Магистрира со одбрана на теза на тема „Влијанието на политичките партии врз уредувачката политика на комерцијалните телевизии“, а докторира на Њујорк Универзитетот-Скопје, каде ја одбрани докторската дисертација на тема „Влијанието на политичките партии врз уредувачката политика на јавниот радиодифузен сервис-Македонска Радиотелевизија (1998-2006 година)“.
Од 2008 година и актуелно предава на групата предмети од областа на медиумите и комуницирањето при Факултетот за јазици, култури и комуникации на Универзитетот на Југоисточна Европа во Тетово. Во 2009 година беше ангажиран и на Катедрата за новинарство при Државниот универзитет во Тетово.
Тахири има 15-годишно новинарско искуство. Од 1998-2000 беше новинар и уредник во весникот Факти, од 2000 до 2006 година беше уредник на вестите и заменик на главниот уредник на Програмата на албански Јазик на МТВ, а од 2006 до 2008 година заменик на главниот уредник на Телевизијата АЛСАТ-М. Во 2010 година беше уредник на веб – страницата на АЛСАТ-М. Паралелно со ангажманот во националните медиуми, од 2001 до 2011 година беше дописник на Радио Слободна Европа од Скопје-Програма на албански Јазик. Има учествувано во различни истражувачки проекти, реализирани од страна на Македонскиот институт за медиуми и Високата школа за новинарство и односи со јавноста.
![Снежана Трпевска](https://semm.mk/wp-content/uploads/2024/01/snezana-150x150.jpg)
Снежана Трпевска
Истражувачките интереси на д-р Трпевска се движат во неколку полиња: методологијата на општествените истражувања, социологијата на масовните комуникации, критичкото мислење и медиумската писменост, медиумската политика и регулација и студиите на новинарството. До јули 2009 година била вработена во Советот за радиодифузија како Раководител на Секторот за истражување и стратегиски развој. Од 2008 година таа е ангажирана како професор на Високата школа за новинарство и за односи со јавноста, а од 2013 година на Институтот за комуникациски студии од Скопје.
Во текот на минатите години таа има учествувано во голем број академски и применети истражувачки проекти поврзани со слободата на изразување и медиумскиот плурализам, медиумската писменост, ставовите и однесувањето на публиката кон медиумските содржини, медиумската концентрација и регулацијата на радиодифузијата, етиката во новинарството и др.