Anëtarë të Bordit drejtues, të Komisionit për ankesa dhe të Zyrës ekzekutive folën para qytetarëve, përfaqësuesve të organizatave qytetare dhe gazetarëve të katër qyteteve për bazat e vetë-rregullimit si parim për organizimin e mediave dhe gazetarëve, si dhe për formimin dhe për përvojat e para të Këshillit në muajt e kaluar.
Në këto diskutime u prezantuan dhe u sqaruan dilemat rreth asaj se a është dhe sa është i nevojshëm dhe i dobishëm vetë-rregullimi, cilat janë dallimet ndërmjet vetë-rregullimit dhe rregullimit, cili është dallimi ndërmjet Këshillit të nderit pranë Shoqatës së gazetarëve të Maqedonisë dhe Këshillit për etikë, si mund vetë-rregullimi të çojë në reduktimin e proceseve gjyqësore për shpifje dhe fyerje ose si mund të përdoren vendimet e KEMM-it në gjykatë gjatë proceseve të tilla, si mund vetë-rregullimi të çojë në besim më të madh të qytetarëve në media dhe profesionalizëm më të madh të vetë mediave, dhe mënyrën se si tërë kjo kontribuon për mbrojtjen e të drejtave dhe lirive themelore të njeriut dhe përforcimin e mediave si pushtet i katërt.
Në këto debate, në veçanti në Ohër, u prezantuan dhe u veçuan disa raste interesante nga puna e Komisionit për ankesa pranë KEMM-it, me qëllim që pjesëmarrësve, në mënyrë më të detajuar, t’u sqarohet veprimtaria e këtij trupi të Këshillit.
Të pranishmit në debate shfaqën interes të madh lidhur me punën e KEMM-it dhe vetë-rregullimin, duke iu parashtruar pyetje të shumta përfaqësuesve të Këshillit të cilët prezantuan veprimtarinë e tij. Disa prej tyre shprehën falënderime për prezantimet, duke theksuar se nuk kanë ditur ose kanë ditur pak për ekzistimin e KEMM-it, si dhe për atë se ky trup mund të iu ndihmojë në punën e tyre të përditshme dhe në vërejtjet që kanë për raportimin e mediave. Kjo u theksua në veçanti nga ana e përfaqësuesve të organizatave qytetare.
Debatet u zbatuan në kuadër të projektit „Informo dhe informohu – rritja e ndërgjegjësimit të opinionit për KEMM-in“, një iniciativë e mbështetur nga UNESCO. Debate të këtij lloji do të vazhdojnë edhe në rajone të tjera në Maqedoni, me qëllim që opinion lokal të njoftohet sa më mire me aktivitetet e Këshillit.
