Executive Office

Билјана Георгиевска

Билјана Георгиевска

Новинарка со преку три-децениско искуство во повеќе домашни и меѓународни медиуми. Од 1996 до 2011 има работено како дописник и продуцент во Македонската редакција на Светскиот сервис на БиБиСИ, во Скопје и Лондон. Како новинар и уредник има искуство во печатени медиуми, радио и телевизија, меѓу кои: „Нова Македонија“, МРТ-Радио Скопје -Втора програма, НоМа- радио, ТВ21, ТВ Клан Македонија, „Предизвици“-Фондација Фридрих Еберт. Георгиевска има учествувано на бројни обуки и проекти за унапредување на професионалното новинарство, за промоција на медиумска писменост, етика во медиумите, борба против дезинформации и лажни вести. Учесник е во ад-хок групи за промоција на европските вредности во Северна Македонија, добрососедство и надминување на билатералните спорови во регионот. Има дипломирано на Катедрата за компаративна книжевност на Филолошкиот факултет при Универзитетот „Св.Кирил и Методиј“ во Скопје. Од април 2023 е на позицијата Извршна директорка на Советот за етика во медиумите на Македонија.

Милена Крстева

Милена Крстева

Милена Крстева е дипломирана економистка на Економскиот факултет при УКИМ, Скопје. Веднаш по дипломирањето започнува со работа како статистичарка во приватниот сектор. Во 2015та прави трансфер во граѓанскиот сектор, каде што работи како финансиска и административна директорка. По проследувањето на обуката за 'Менаџмент и имплементација на проекти финансирани од ЕУ' во 2016та, се здобива со сертификат за менаџирање и имплементирање на ЕУ проекти. Кон тимот на СЕММ се приклучува во март 2023, како Програмска координаторка.

Кристијан Нушков

Кристијан Нушков

Кристијан Нушков е дипломиран социјален работник. Има речиси дваесетгодишно работно искуство во невладиниот сектор со маргинализирани групи на граѓани како проектен координатор, социјален работник, семеен советник со семејства во социјален ризик како и советник за тестирање на ХИВ/СИДА. Работното искуство го има стекнато во невладините ХОПС, СОС Детско село Македонија и ХЕРА. Има подготвувано и имплементирано повеќе проекти, истражувања и работа на терен, претставување на проектите во земјата и странство, учество во работни групи на локално, национално и меѓународно ниво, спроведување индивидуални и групни едукации, како и подготовка на текстови и содржини за донатори и медиуми. Од ноември 2023 е дел од тимот на Советот за етика во медиумите на позиција Проектен координатор.

Фатос Груби

Фатос Груби

Фатос Груби е дипломиран професор по англиски јазик и книжевност. Работел во училиште за странски јазици како наставник, и активно преведува на три јазици: англиски, албански и македонски. Работел во различни области и позиции како агент за продажба, асистент за работа со странки и маркетинг агент. Пишува статии за Mollëkuqja.mk и е дел од тимот на СЕММ од ноември 2023 како проектен асистент.

Scroll to Top