Вести

Од дискусијата помеѓу  присутните произлегоа следниве заклучоци и препораки:
 
  • -Да се соработува меѓу регулаторното и саморегулаторното тело, особено во взаемното искористување на ресурсите во справувањето со случаите на говор на омраза во медиумите;
  • -Медиумите да известуваат за говорот на омраза, но да се обележи како таков и јасно да биде ставено до знаење дека станува збор за таков проблем;
  • -Да се зголеми ангажираноста на Комисијата за заштита од дискриминација во идентификувањето на случаите на говор на омраза, а особено во делот на казнувањето;
  • -Новинарите или лицата кои што ги искористуваат медиумите за ширењето говор на омраза да сносат соодветна одговорност, а новинарската фела да се обедини во нивното дистанцирање од медиумскиот простор;
  • -Неопходна е координација и усогласување меѓу различните институции, организации и мрежи во борбата против говорот на омразата и дискриминацијата;
  • -Да се намали влијанието на центрите на моќ и политичкото влијание врз работењето на медиумите;
  • -Постои потреба од професионализација на работењето на новинарите како во јавниот сервис, така и во другите медиуми, односно да се работи на континуирана едукација;
  • -Саморегуларијата се’ почесто да се користи како механизам за реагирање за говорот на омраза, навреда, клевета и други појави на кршење на Кодексот на новинарите;
  • -Да се отвори дебата за тоа дали е неопходна и ко-регулација во медиумскиот простор, односно дускусија околу потребата од внесување измени во законската рамка; 
  • -Редакциите да имаат свој Кодекс кој ќе се почитува во рамки на редакцијата,  а Интернет порталите да договорат внатрешни принципи на однесување;
  • -Да се креира нов Кодекс на печатени, електронски и интернет медиуми.

 

Уредниците за говорот на омраза во медиумите“

slika7Етичко известување и перспективите на медиумската саморегулација, (не)избалансираноста во новинарското известување, етиката во онлајн медиумите, медиумското покривање на изборите и улогата во изборниот процес, беа главните теми на конференцијата „Новинарска етика и медиумски вредности во специфични околности и за време на избори”, што ја организираа Македонскиот институт за медиуми и Советот за етика во медиумите, во соработка со УНЕСКО и со Делегацијата на Европската Унија.

slika6Во периодот 19ти-21ви ноември 2015 година, Здружението на новинари на Македонија (ЗНМ) во соработка со Советот за етика во медиумите на Македонија (СЕММ) ја организираше работилницата„Професионалност и етика во медиумите и инклузивно известување“. Настанот беше наменет за членовите на Советот на честа на ЗНМ, како и за членовите за Комисијата за жалби на СЕММ.

Советот за печат во Босна и Херцеговина, организираше широка кампања со медиумите кои припаѓаат на советот за печат, за да ги поттикне редовно да објавуваат на нивните веб страни или во нивните печатени изданија информацииза читателите за тоа како да поднесат претставка до Советот за печат на земјата.

slika5УНЕСКО го финансираше печатењето на 5000 примероци од новото издание на Кодексот за етика на српските новинари. Кодексот беше широко дистрибуиран за време на првиот медиумски саем во Белград, од 28 октомври до 1 ноември 2015 година.

slika4Во Србија, со цел да се промовира Советот за печат преку иновативен пристап, Советот за печат организираше јавни дебати за сопствената комисија за жалби за тематски прашања во српските медиуми. Идејата беше да се стимулираат учесниците да дебатираат за теми за медиумската етика.

slika3Во Босна и Херцеговина, советот за печат организираше кампања за подигање на јавната свест наречена "Граѓаните и новинарите, во борба за вистината". Оваа кампања се одвиваше во 35 градови низ земјата и беа вклучени повеќе од 1200 лица.

slika2УНЕСКО го поддржа дизајнирањето и создавањето на две нови интерактивни веб-страници за Советот за печат на Косово и за Советот за етика во медиумите на Македонија, во Република Македонија. Двете веб-страници им овозможуваат на корисниците на медиумите да поднесат жалби онлајн.

slika1Демократијата бара добро информирана и плуралистичка јавна сфера. Ова се однесува на медиумите кои се стремат кон вистината, и непристрасно и висококвалитетно известување. Нивото на учество и ангажирање на граѓаните во општеството зависи од способноста на медиумите да гопробудат и да го задржат нивниот интерес за голем број прашања. Граѓанското општество, исто така, има голема улога во барањето отчетност од медиумите.

Здружението на новинарите на Македонија, Светскиот ден за човекови права 10ти декември го одбележа со тематски форум насловена како „Безбедноста и слободата на новинарите во Македонија“. На настанот беа поканети и учествуваа министерот за внатрешни работи Оливер Спасовски, министерката за информатичко општество Марта Арсовска Томовска, Народниот правобранител Иџет Мемети, а во работниот дел свои излагања имаа новинарот Томислав Кежаровски, претседателката на новинарскиот синдикат Тамара Чаусидис, директорката на Советот за етика Марина Тунева, раководителката на програми на МИМ Весна Никодиноска и првиот човек на ЗНМ, Насер Селмани.

Македонскиот институт за медиуми и Советот за етика во медиумите, во соработка со УНЕСКО и со Делегацијата на Европската Унија, на 10 ноември организираат национална конференција на тема „Новинарска етика и медиумски вредности во специфични околности и за време на избори”.
Настанот ќе се одржи во хотелот „Холидеј Ин“(сала Милениум 2), со почеток во 11 часот.

Која е суштинската улога на новинарите за време на избори? Што е пресудно за објективно и професионално информирање на граѓаните во текот на изборниот процес? Каква е улогата на саморегулаторните тела за обезбедување избалансирано и професионално покривање на изборите? – Ова се само дел од прашања кои ги разговаравме со Мартин Хакерби, медиумски експерт и долгогодишен новинар и уредник во водечкит медиуми во Англија.